پاکستان تحریک انصاف کے رہنما اور پارٹی چیئرمین کے فوکل پرسن حسان خان نیازی کو گرفتار کرلیا گیا ہے۔

تفصیلات کے مطابق پولیس نے جی 11 کورٹس کے باہر سے حسان نیازی کو گرفتار کرلیا ہے ۔

اس حوالے سے وکیل نعیم حیدر پنجوتھا  کاکہنا تھا کہ ‏حسان خان نیازی عدالت سے میرے ساتھ نکلےاور ہم نے بتا یا کہ ان کی ضمانت ہو گئی ہے لیکن ایس پی نوشروان نے زبردستی پولیس کے ساتھ مل کے اسے اٹھا کے گاڑی میں بیٹھا کے رمنہ تھانہ لے گئے ہیں۔

انہوں نے بتایا کہ پولس کو احکامات ایس پی نوشروان نے دئیے یہ کالے ڈالے میں بیٹھایا ہوا ہے۔

فرخ حبیب ویڈیو پیغام

اس حوالے سے بات کرتے ہوئے فرخ حبیب کا کہنا تھا کہ تمام مقدمات میں ضمانت کے باوجود ایس پی نوشیروان نے دہشت گردی عدالت کے باہر سے حسان نیازی کو اغوا کرلیا ہے۔

انہوں نے کہا ہے کہ پولیس گردی کی انتہا ہوگئی ہے حسان نیازی وکیل جس کی ابھی عدالت نے ضمانت منظور کی ہے اسکو اغوا کرلیا ہے، ملک بھر کے وکلا کو فوری سڑکوں پر احتجاج کے لئے نکل آنا چاہئے۔

فواد چوہدری:

سابق وفاقی وزیر فواد چوہدری نے کہا ہے کہ وکلاء اور بار ایسوسی ایشنز کی جانب سے احتجاج میں شامل ہونے کے لیے ضمانت کی کال کے باوجود حسان نیازی کو عدالت کے احاطے سے گرفتار کیا گیا ہے،  ان کی گرفتاری ناقابل قبول ہے۔

شہباز گل:

رہنما پی ٹی آئی کا کہنا تھا کہ ضمانت کے فورا بعد حسان نیازی کی گرفتاری قابل مذمت قابل افسوس ہے، ان کو فوری رہا کیا جائے۔

افتخار درانی:

افتخار درانی  کا کہنا تھا کہ عدالت کی جانب سے ضمانت ہونے کے باوجود ایس پی نوشیروان نے عدالت کے باہر سے حسان نیازی کو اغوا کر لیا ہے،اسلام آباد پولیس اس وقت رانا ثنا اللہ کے اشاروں پر ناچتے ہوئے بے شرمی کی انتہا پار کر رہی ہے، یہ عدلیہ کی سر عام توہین ہے۔

مسرت چیمہ:

رہنما پی ٹی آئی مسرت چیمہ نے کہا ہے کہرانا ثنا اللہ ملک کو انارکی کی جانب دھکیل رہا ہے، اگر ضمانت کے باوجود ہمارے لوگوں کا اغواء و تشدد جاری رہا تو حالات کسی کے کنٹرول میں نہیں رہیں گے۔

ان کا کہنا تھا کہ حسان نیازی کا اغواء ریاستی دہشت گردی ہے۔