وزیراعظم شہباز شریف کی زیر صدارت پارٹی رہنماؤں کا اجلاس ہوا جس میں پنجاب اور کے پی کے انتخابات سے متعلق بھی مشاورت کی گئی۔

تفصیلات کے مطابق وزیراعظم شہباز شریف کی زیر صدارت پارٹی رہنماؤں کے مشاورتی اجلاس میں سینئر نائب صدر مسلم لیگ ن مریم نواز، رانا ثنا اللہ، اعظم نذیر تارڑ، خواجہ سعد رفیق اور سردار ایاز صادق سمیت مرکزی رہنماؤں نے شرکت کی۔

یہ بھی پڑھیں؛ وزیراعظم شہباز شریف سے بحرین نیشنل گارڈ کے کمانڈر کی ملاقات

ذرائع کے مطابق اجلاس میں کل پارلیمنٹ کے مشترکہ اجلاس سے متعلق حکمت عملی پر مشاورت کی گئی، ایوان میں پی ٹی آئی مخالف قرارداد سے متعلق نکات پر غور کیا گیا، پنجاب اور خیبر پختونخوا میں انتخابات سے متعلق مشاورت کی گئی، انتخابات کے التواء سے متعلق بھی امور پر مشاورت کی گئی۔