کےپی الیکشن کی تاریخ کا اعلان نہ کرنے پر گورنر کیخلاف کارروائی کیلئے صدر مملکت کو مراسلہ ارسال کردیا گیا ہے۔

تفصیلات کے مطابق  کےپی میں الیکشن شیڈول کا اعلان نہیں کرنے کے معاملے پر شہری منیر احمدنے اظہر صدیق ایڈووکیٹ کے توسط سے گورنر خیبر پختونخواہ کے خلاف توہین عدالت کی کارروائی کے لئے صدر مملکت کو مراسلہ ارسال کیا ہے۔

مراسلے میں بتایا گیا ہے کہ سپریم کورٹ نے گورنر کےپی کو انتخابی تاریخ جاری کرنے کا حکم دیا ہے اور عدالتی حکم پر جان بوجھ کر عمل نہیں کیا جا رہا ہے جس کی وجہ سے گورنر کے پی انتخابی تاریخ کا اعلان نہ کرکے اپنا حلف توڑنے کے مرتکب ہوئے ہیں۔

مراسلے میں مطالبہ کیا گیا ہے کہ الیکشن کمیشن اپنی آئینی ذمہ داری اداکرتے ہوئے صدر مملکت کو تاریخ کا اعلان کرنے کا کہے یا صدر مملکت اپنا آئینی اختیار استعمال کرتے ہوئے آرٹیکل 57 کے تحت تاریخ کا اعلان کریں۔

مراسلے میں بتایا گیا کہ سپریم کورٹ کا فیصلہ واضع کہ نوے روز میں انتخابات کراناآئینی تقاضا ہے  تاہم حکم عدولی پر گورنر خیبرپختونخواہ کےخلاف توہین عدالت کی کاررواٸی کی جاٸے۔