گورنر سندھ کامران ٹیسوری نے کہا ہے کہ سندھ میں امن و امان کی صورت حال ابتر ہے۔

تفصیلات کے مطابق گورنر سندھ کامران ٹیسوری نے شکارپور میں میڈیا ٹاک کرتے ہوئے کہا کہ ملک حالیہ سیلاب اور بارشوں کے باعث بری طرح متاثر ہوا ہے، 70 ارب روپے خرچ کیے مگر حالت بہتر نہ ہو سکی، ہیلی کاپٹر سے جب دیہاتوں کی طرف نظر پڑتی ہے تو دل خون کے آنسو روتا ہے لوگوں کو ایک وقت کی روٹی میسر نہیں۔

کامران ٹیسوری نے کہا کہ بحالی کے بارے میں کئی میٹنگز ہو چکی ہیں سندہ حکومت کے ساتھ مگر تاحال لوگ مسائل میں گھرے ہوئے ہیں، تعلیم کا معیار سندھ کی ترقی کی راہ میں رکاوٹ ہے، ملک میں ایک کی تعلیمی نظام ہونا چاہیے غریبوں کے بچے پیلے اسکول میں جبکہ پیسے والوں کے بچے پرائیویٹ اسکولوں میں پڑھتے ہیں۔

ان کا مزید کہنا تھا کہ سندھ میں امن و امان کی صورت حال ابتر ہے، صورتحال کو بہتر بنانے کی اشد ضرورت ہے۔