گورنر خیبر پختونخوا (کے پی) حاجی غلام علی نے کہا ہے کہ سپریم کورٹ کے فیصلے پر عمل درآمد کی کوشش کریں گے۔

حاجی غلام علی نے بول نیوز سے گفتگو کرتے ہوئے کہا کہ سپریم کورٹ کا تفصیلی فیصلہ سامنے نہیں آیا، عدالتی فیصلے کا احترام کرتے ہیں۔

انہوں نے کہا کہ سپریم کورٹ کے فیصلے پرمن وعن عمل کریں گے ، حالات جیسے بھی ہوں سپریم کوٹ کا حکم مانیں گے۔

صدر مملکت سے الیکشن کیلئے مشاورت کریں گے

گورنر کے پی کا کہنا ہے کہ صدر مملکت سے الیکشن کیلئے مشاورت کریں گے ، الیکشن کی تاریخ کا اعلان لازمی کریں گے، الیکشن کی تاریخ کے اعلان کے بغیر کوئی چارہ نہیں، آئین اور قانون کے مطابق اپنا کردار ادا کریں گے۔

یہ بھی پڑھیں: سپریم کورٹ نے 90 روز میں الیکشن نہ ہونے کو آئین کی خلاف ورزی قرار دے دیا

انہوں نے کہا کہ انتخابات کیلئے کل تک تاریخ کا اعلان کیسے ہوسکتا ہے؟ پولیس، محکمہ تعلیم اور دیگر اداروں کی معاونت ضروری ہے۔

سانحہ پشاور جیسا کوئی واقعہ ہوا تو ہماری غفلت قرار دیا جائے گا

غلام علی نے کہا کہ خواتین اہلکار وزیرستان نہ جانا چاہیں تو ہم کیا کرسکتے ہیں؟ سانحہ پشاور جیسا کوئی واقعہ ہوا تو ہماری غفلت قرار دیا جائے گا۔

گورنر کے پی نے کہا کہ انتخابات کیلئے الیکشن کمیشن کو تحریری درخواست دی تھی، الیکشن کمیشن نے وفاقی حکومت سے مشاورت کرنے کا کہا تھا ۔

انہوں نے مزید کہا کہ وفاقی حکومت کو 3 بار انتخابات سے متعلق یاد دہانی کرائی ، وفاقی حکومت کے جواب سے الیکشن کمیشن کو آگاہ کیا۔

واضح رہے کہ سپریم کورٹ کی جانب سے پنجاب اور خیبر پختونخوا میں 90 دن میں انتخابات کروانے کا حکم دیا گیا ہے۔