آرمی چیف سید عاصم منیر نے کہا ہے کہ مسلح افواج نے بلوچستان کی ترقی اور امن کے قیام کا عزم کر رکھا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر کی جانب سے گوادر کا دورہ کیا گیا ہے۔

آئی ایس پی آر نے بتایا کہ دورہ گوادر کے دوران آرمی چیف کو موجودہ سیکیورٹی صورتحال، فارمیشن کی آپریشنل تیاریوں پر بریفنگ دی گئی۔

آئی ایس پی آر کا کہنا ہے کہ سی پیک سیکیورٹی، پرامن اور محفوظ ماحول کو یقینی بنانے کی کاوشوں پر بھی بریفنگ دی گئی۔

آئی ایس پی آر نے بتایا کہ آرمی چیف نے بلوچستان کے عوام کی بھلائی کے لیے پیشہ ورانہ عزم کے ساتھ کام جاری رکھنے پر زور دیا ہے۔

آئی ایس پی آر نے بتایا کہ آرمی چیف نے مقامی معززین، منتخب نمائندوں اور زندگی کے مختلف شعبوں سے تعلق رکھنے والے افراد سے بات چیت کی۔

آئی ایس پی آر کا کہنا تھا کہ جنرل سید عاصم منیر نے کہا کہ مٹھی بھر گمراہ عناصر بلوچستان کے عوام اور مسلح افواج کے عزم کو متزلزل نہیں کر سکتے ہیں، مسلح افواج امن اور خوشحالی کو یقینی بنانے کے لیے پرعزم ہے۔

آئی ایس پی آر کے مطابق آرمی چیف نے علاقے کی سماجی و اقتصادی ترقی پر خاص زور دیا۔پاک فوج کے سپہ سالار نے گوادر میں تعلیم، صحت، کھیل اور معاش سے متعلق فلاحی منصوبوں کا اعلان کیا ہے۔