کراچی میں اسٹریٹ کرائم اور ڈکیتی کی وارداتوں کا سلسل برقرار ہے۔

تفصیلات کے مطابق مسلح ملزمان ٹمبر مارکیٹ میں تاجر اور عملے سے نقدی، موبائل فونز اور دیگر قیمتی سامان لوٹ کر فرار ہوگئے۔

دو روز قبل ہوٸی واردات کی سی سی ٹی وی فوٹیج بول نیوز کو موصول ہوگئی ہے۔

فوٹیج میں مسلح ملزمان کو اطمينان کے ساتھ لکڑی کے کارخانے میں لوٹا ماری کرتے ہوئے دیکھا جاسکتا ہے۔

تاجر رہنما شرجیل گوپلانی کا کہنا ہے کہ مارکیٹ میں گشت کیلئے پولیس کو موبائل بھی فراہم کی گئی ہے، مگر حکام نفری دینے کو تیار نہیں ہیں۔

تاجر ٹمبر مارکیٹ کا کہنا ہے کہ شہر بھر میں تاجر برادری کو تحفظ کی فراہمی کے بجائے پولیس اور ضلعی انتظامیہ نے مجرمانہ چپ سادھ رکھی ہے۔