صوبہ بلوچستان کے ضلع پنجگور میں بلوچی زبان کے مشہور و معروف شاعر اور ادیب یعقوب امل کو فائرنگ کر کے قتل کردیا گیا۔

تفصیلات کے مطابق ملزمان نے پنجگور کے علاقے گورمکان میں مقتول کے گھر کے باہر حملہ کیا تھا۔

پولیس کا کہنا ہے کہ ملزمان گھر کے اندر گھسنے کی کوشش کررہے تھے اور جب یعقوب امل گھر سے باہر آئے تو ملزمان نے ان پر فائرنگ کردی جبکہ ملزمان فرار ہونے میں بھی کامیاب ہوگئے۔

انہوں نے کہا کہ فائرنگ کے بعد نامور شاعر کو اسپتال منتقل کیا گیا تھا تاہم وہ زخموں کے تاب نہ لاتے ہوئے چل بسے۔

خیال رہے کہ یعقوب امل متعدد موضوعات پر کتابیں بھی لکھ چُکے ہیں۔