محکمہ موسمیات نے کراچی والوں کو خبردار کردیا ہے۔

تفصیلات کے مطابق محکمہ موسمیات نے کراچی میں آئندہ 3 روز میں گرمی پڑنے کا امکان ظاہر کیا ہے۔

محکمہ موسمیات کا کہنا ہے کہ شہرِ قائد میں ہواؤں میں تبدیلی سے درجہ حرارت میں اضافے کا امکان ہے۔

کراچی میں دن میں شمال مشرق سے ہوائیں چلتی رہیں گی جبکہ شام میں سمندری ہوائیں چلنے کا امکان ہے۔

محکمہ موسمیات نے بتایا کہ جمعرات کو درجہ حرارت 34 ڈگری سینٹی گریڈ جبکہ جمعے کو 34 سے 36 ڈگری سینٹی گریڈ تک رہنے کا امکان ہے۔

دوسری جانب پی ڈی ایم اے کا کہنا ہے کہ بارش برسانے والا دوسرا مغربی سسٹم شمال مشرقی بلوچستان میں داخل ہو گیا ہے، سسٹم کے تحت کوہِ سلیمان رینج میں گرج چمک کے ساتھ موسلا دھار بارش ہوئی ہے۔

دھانا سر، شیرانی، موسیٰ خیل، رکھنی، راڑہ ہاشم، تمن قیصرانی میں بھی موسلادھار بارش جاری ہے۔

بارش کے باعث بلوچستان و پنجاب کے سرحدی علاقوں کے برساتی نالوں میں طغیانی آ گئی ہے۔