مہنگائی نے کتنے فیصد پاکستانیوں کا باہر جاکر کھانا کم کروا دیا اس حوالے سے سروے رپورٹ جاری کردی گئی ہے۔

تفصیلات کے مطابق گیلپ پاکستان نے عوامی آراء پر مبنی نیا سروے جاری کیا ہے جس میں ان سے موجودہ حالات میں گھر کے کھانے اور باہر جا کر ہوٹل پر کھانے سے متعلق پوچھا گیا۔

سروے کے مطابق 89 فیصد پاکستانیوں نے مہنگائی کے باعث ریسٹورینٹ اور ہوٹلوں میں جانا کم کر دیا ہے۔

سروے میں بتایا گیا کہ اکثریت نے دوستوں اور گھر والوں کے ساتھ گھر پر کھانا کھانے کو ترجیح دی۔

گیلپ سروے میں یہ بھی بتایا گیا کہ 9 فیصد نے پہلے کی طرح ہی ہوٹلوں کا رخ کیا اور مہنگائی سے کوئی فرق نہ آنے کا کہا۔