پنجاب سے بڑا استعفیٰ آ گیا ہے۔

تفصیلات کے مطابق ایڈووکیٹ جنرل پنجاب شان گل نے ذاتی وجوہات کے بنا پر عہدے سے استعفیٰ دیدیا۔

ایڈووکیٹ جنرل پنجاب نے استعفیٰ نگراں وزیر اعلیٰ پنجاب محسن نقوی کو بھجوا دیا۔

ان کا کہنا ہے کہ ذاتی وجوہات کے بنا پر مزید فرائض ادا نہیں کرسکتا۔ شان گل 26 جون تک خدمات سرانجام دیں گے۔

واضح رہے کہ رواں سال 17 فروری کو نگراں وزیراعلیٰ پنجاب محسن نقوی نے شان گل کی بطور ایڈووکیٹ جنرل پنجاب تعیناتی کی باضابطہ منظوری دی تھی۔

14 فروری کو لاہور ہائی کورٹ نے ایڈووکیٹ جنرل پنجاب احمد اویس سمیت 97 لاء افسران کی برطرفیاں درست قرار دی تھیں۔

جسٹس علی باقر نجفی کی سربراہی میں لاہور ہائی کورٹ کے 5 رکنی لارجر بینچ نے اس سے متعلق اپنا فیصلہ سنایا تھا۔