بڑی عید پر کراچی میں موسلا دھار بارش کے حوالے سے محکمہ موسمیات کا اہم بیان سامنے آ گیا ہے۔

تفصیلات کے مطابق کراچی میں مون سون کی بارشوں کا سلسلہ جولائی سے شروع ہونے کا امکان ہے جبکہ پاکستان کے مختلف علاقوں میں بارش معمول کے مطابق ہوگی۔

محکمہ موسمیات کا کہنا ہے کہ آج کراچی کا موسم گرم رہے گا جبکہ شہر کا درجہ حرارت 30 ڈگری سینٹی گریڈ اور زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔

محکمہ موسمیات نے بتایا کہ شہر میں صبح اور شام کے وقت بوندا باندی جبکہ بالائی پنجاب، خیبرپختونخوا، آزاد جموں کشمیر میں تیز بارش ہوسکتی ہے۔

واضح رہے کہ مون سون بارشوں کے حوالے سے محمکہ موسمیات نے پیشنگوئی کی ہے کہ جولائی کے پہلے ہفتے سے ملک کے بیشتر حصوں میں بارشوں کا سلسلہ شروع ہوجائے گا۔