الیکشن کمیشن آف پاکستان نے توہین الیکشن کمیشن کیس میں چیئرمین پی ٹی آئی کے وارنٹ گرفتاری عارضی طور پر معطل کرتے ہوئے فردِ جرم عائد کرنے کیلئے 2 اگست کی تاریخ مقرر کردی۔

تفصیلات کے مطابق الیکشن کمیشن نے چیئرمین پی ٹی آئی کے خلاف توہین الیکشن کمیشن کیس کی 25 جولائی کی سماعت کا حکم نامہ جاری کر دیا۔

الیکشن کمیشن نے فرد جرم عائد کرنے کیلئے 2 اگست کی تاریخ مقرر کر دی اور چیئرمین تحریک انصاف کو اگلی سماعت پر بھی پیش ہونے کا حکم دیتے ہوئے وارنٹ گرفتاری وقتی طور پر معطل کر دیئے۔

حکم نامے کے مطابق چیئرمین پی ٹی آئی 25 جولائی کو ذاتی حیثیت میں پیش ہوئے، لہٰذا ان کے ناقابلِ ضمانت وارنٹ گرفتاری معطل کئے جاتے ہیں۔

حکم نامے میں یہ بھی کہا گیا کہ چیئرمین تحریک انصاف پر 2 اگست کو چارج فریم کیا جائے گا، لہٰذا وہ اگلی سماعت پر ضرور پیش ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/151786/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/07/151786/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں