اوکاڑہ میں سیلابی پانی نے ایک اور جان لے لی ہے۔

تفصیلات کے مطابق اوکاڑہ میں دریائے ستلج رتے کی ڈھاری پر بوڑھا شخص ڈوب گیا۔

ریسکیو ٹیم اوکاڑہ نے فوری ریسپانس کرتے ہوئے بوڑھے شخص کی نعش کو نکال لیا۔

بوڑھے شخص کی نعش کو باعزت طریقے سے کشتی کے ذریعے آبائی گھر میں پہنچا دیا گیا۔

ڈوبنے والے شخص کی شناخت علی احمد ولد باغ علی کے نام سے ہوئی ہے۔

جان بحق ہونے والے شخص جس کی عمر تقریباً 70 سال کے قریب تھی۔

حادثہ کی اطلاع ملتے ہی ڈسٹرکٹ ایمرجنسی آفیسر ظفر اقبال اور اسسٹنٹ کمشنر دیپالپور مجاہد ظفر ورثاء کے پاس پہنچے اور اظہار افسوس کیا۔

لواحقین اور علاقہ مکین نے ریسکیو 1122 اور ضلعی انتظامیہ کے اقدامات کو خوب سراہا۔