پیپلزپارٹی نے وزیراعلیٰ گلگت بلتستان انتخاب میں حصہ نہ لینے کا فیصلہ کیا ہے۔

پیپلزپارٹی نے وزیراعلیٰ گلگت بلتستان کے انتخاب پر مشاورت مکمل کرلی ہے جس کے تحت پیپلزپارٹی وزیراعلیٰ گلگت بلتستان کیلئے کاغذات نامزدگی جمع نہیں کرائے گی۔

پی پی ذرائع کے مطابق پیپلزپارٹی وزیراعلیٰ گلگت بلتستان کے لیے اپنا امیدوار کھڑا نہیں کرے گی، پیپلزپارٹی پی ٹی آئی فارورڈ بلاک کے وزیراعلیٰ کے امیدوار کو ووٹ دے گی۔

ذرائع کا کہنا ہے کہ مرکزی قیادت نے پیلزپارٹی گلگت بلتستان کو احکامات جاری کردیئے ہیں، پارٹی پالیسی کے خلاف جانے والے ارکان کے خلاف ایکشن ہوگا۔

پی پی ذرائع کا مزید کہنا ہے کہ  پیپلزپارٹی جی بی نے فارورڈ بلاک کی حمایت پر تحفظات کا اظہار کیا تھا، جی بی اسمبلی میں اکثریت رکھنے والے کو وزیراعلیٰ بنانے کا حق ہے۔

واضح رہے کہ پیپلزپارٹی کے امجد ایڈوووکیٹ نے کاغذات نامزدگی حاصل کررکھے ہیں، پیپلزپارٹی اسپیکر جی بی اسمبلی کے خلاف تحریک عدم اعتماد واپس لے چکی ہے۔

یاد رہے کہ وزیر اعلیٰ گلگت بلتستان کا انتخاب 13 جولائی کو ہوگا جس کے لیے کاغذات نامزدگی کل جمع کروائے جائیں گے۔