ضلع خیبر کی تحصیل باڑہ کے دفتر پر شرپسندوں نے حملہ کردیا جس کے نتیجے میں 4 پولیس اہلکار شہید ہوگئے ہیں۔

پولیس کے مطابق ضلع خیبر کی تحصیل باڑہ کے دفتر پر شرپسندوں نے حملہ کیا جس کے بعد فورسز اور ملزمان کے درمیان فائرنگ کا تبادلہ جاری ہے۔

ضلع خیبر کی تحصیل باڑہ کے دفتر پر شرپسندوں کا حملہ
دونوں جانب سے شدید فائرنگ کا سلسلہ جاری ہے
براہ راست دیکھیں: https://www.bolnews.com/urdu/pakistan/2023/07/258259/amp/#BOLNews #KPK pic.twitter.com/5uXXBEppQU

— BOL Network (@BOLNETWORK) July 20, 2023

پولیس کا کہنا ہے کہ دھماکے میں زخمی ہونے والے اہلکاروں کو اسپتال منتقل کردیا گیا ہے اور مزید تحقیقات بھی جاری ہے۔

اس حوالے سے ریسکیو1122 نے بتایا کہ باڑہ بازار تحصیل کمپاونڈ پر دھماکے میں 10 افراد زخمی ہوئے جبکہ موقع پر ایک اہلکار شہید ہونے کی اطلاعات ہیں۔

ریسکیو1122  کا کہنا ہے کہ ایک زخمی کو ایچ ایم سی، 3 زخمیوں کو مقامی اسپتال جبکہ 6 زخمیوں کو موقع پر طبی امداد فراہم کی گئیں۔

دھماکے سے عمارت کی چھت گرنے سے 1 شخص نیچے دب گیا جبکہ ریسکیو1122 کی ہیوی مشینری موقع کی جانب روانہ کردی گئی ہیں۔

واضح رہے کہ دو روز قبل بھی خیبرپختونخوا کے دارالحکومت پشاور کے علاقے حیات آباد میں سیکیورٹی فورسزکی گاڑی کے قریب خود کش دھماکے کے نتیجے میں 8 افراد زخمی ہوگئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/258259/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/07/258259/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں