سابق وزیر اعلیٰ و سابق صوبائی صدر پرویز خٹک نے پی ٹی آئی سے نکالے جانے کے بعد پارٹی سے متعلق حیران کُن انکشاف کردیا ہے۔

ذرائع کے مطابق پرویز خٹک نے اپنے جاری کردہ ایک بیان میں کہا کہ عمران خان کی مقبولیت کا دعویٰ سب جھوٹ ہے۔ ہم نے 40 ہزار فیک اکاؤنٹ بنائے تھے تاکہ ہم عمران خان کو سوشل میڈیا پر سپورٹ کرسکیں۔

پرویز خٹک کا کہنا ہے کہ عمران خان میں ہمت ہے تو میرے مقابلے میں خیبر پختونخواہ کے کسی بھی حلقے سے الیکشن لڑ کر دکھائیں۔

انہوں نے کہا کہ میری پارٹی رکنیت ختم کرنے پر مجھے کوئی افسوس نہیں ہے کیونکہ مجھے پتہ ہے تحریک انصاف چند دن کی مہمان ہے اور پوری پارٹی ختم ہونے والی ہے انشاءاللہ عنقریب عمران خان میری پارٹی کے ٹکٹ کیلئے منتیں کرے گا۔