وفاقی وزیر برائے ریلوے و ہوا بازی خواجہ سعد رفیق نے کہا ہے کہ پی آئی اے کے معاملات پر توجہ نہ دی تو خسارہ بڑھ جائے گا۔

مسلم لیگ ن کے رہنما خواجہ سعد رفیق نے قومی اسمبلی میں اظہار خیال کرتے ہوئے کہا کہ اسلام آباد ایئرپورٹ کو 15 سال کیلئے آؤٹ سورس کریں گے۔

انہوں نے کہا کہ ملک کے ریاستی اداروں کو منافع بخش بنا سکتے ہیں، ادارے ڈوب رہے ہیں اس کی وجہ گھناؤنی سازش ہے۔

وفاقی وزیر ریلوے نے کہا کہ پی آئی اے کا کوئی ملازم بے روزگار نہیں ہوگا، اپنے ایئر پورٹس کو بہترین بنائیں گے ،پی آئی اے کے معاملات پر توجہ نہ دی تو خسارہ بڑھ جائے گا۔

خواجہ سعد رفیق نے کہا کہ پی آئی اے کو ہر سال 70ارب کا چونا لگا، آؤٹ سورس کرنے کا مطلب گروی رکھنا یا بیچنا نہیں ہے۔

انہوں نے مزید کہا کہ بعض لوگ چاہتے ہیں انکے کھانچے چلتے رہیں، اگر بعض لوگوں کے کھانچے چلنے ہیں تو ملک نہیں چلنا، وقت آگیا ہے کہ پرائیویٹ سیکٹر آئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/388329/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/07/388329/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں