سندھ اور خیبرپختونخوا سے بڑی سیاسی و سماجی شخصیات آج باضابطہ طور پر تحریک انصاف میں شامل ہوگئی ہیں۔

تفصیلات کے مطابق خیر پور سندھ سے پیر آف رانی پور پیر نیاز حسین جیلانی نے تحریک انصاف میں شمولیت کا باضابطہ اعلان کردیا ہے جبکہ خیبرپختونخوا سے ہارون لغاری بھی پاکستان تحریک انصاف کا حصہ بن گئے ہیں۔

دونوں شخصیات کی چیئرمین تحریک انصاف سے خصوصی ملاقات ہوئی ہے۔

ملاقات میں دونوں شخصیات نے پاکستان تحریک انصاف کی قیادت، چیئرمین عمران خان کے قانون کی حکمرانی اور حقیقی آزادی کے فلسفے پر مکمل اعتماد کا اظہار کیا، ملک میں انسانی حقوق کی بدترین خلاف ورزیوں اور جمہوری اقدار کے قتلِ عام کی شدید مذمت، اپنے ساتھیوں سمیت تحریک انصاف کے پیغام اور منشور کو عوام میں راسخ کرنے کے عزم کا اظہار کیا۔

اس موقع پر مرکزی سیکرٹری اطلاعات تحریک انصاف رؤف حسن بھی موجود تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/409977/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/07/409977/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں