گورنر ہاﺅس سندھ میں آج ہونے والے آئی ٹی ٹیسٹ کی تیاریاں مکمل کرلی گئی ہیں۔

گورنر ہاﺅس کے ترجمان نے بتایا کہ گورنر ہاﺅس کے مرکزی لان میں کرسیاں لگادی گئی ہیں تاہم 10 ہزار نوجوان ٹیسٹ کے لئے آج گورنر ہاﺅس آئیں گے۔

ترجمان کے مطابق ایک سے 10000 رجسٹریشن نمبرز رکھنے والے امیدوار آج شام 6 بجے گورنر ہاﺅس میں ٹیسٹ دیں گے۔

گورنر ہاﺅس ترجمان کا کہنا ہے کہ والنٹیئرز کی تربیت بھی مکمل ہوگئی ہے تاہم وہ امیدواروں کی رہنمائی کریں گے۔

ترجمان نے بتایا کہ گورنر ہاﺅس کے باہر سیکیورٹی اور ٹریفک کے انتظامات کو بھی حتمی شکل دے دی گئی ہے۔

ترجمان گورنر سندھ نے مزید کہا کہ نوجوانوں کو آئی ٹی کی تربیت گورنرز اینی شیٹوکا سب سے اہم جزو ہے۔