لاہور: دہشت گردی کے خدشات کے پیش نظر کاؤنٹر ٹیررازم ڈیپارٹمنٹ (سی ٹی ڈی) نے بڑی کارروائی کرتے ہوئے انٹیلی جنس بیسڈ آپریشن کے دوران چار دہشت گردوں کو گرفتار کرلیا۔

ترجمان سی ٹی ڈی کے مطابق دہشت گرد راولپنڈی میں خطرناک منصوبہ بندی کر رہے تھے، راولپنڈی سے گرفتار کیے گئے دہشت گردوں کا تعلق داعش، ٹی ٹی پی، اور بلوچ لبریش سے ہے۔

سی ٹی ڈی کے ترجمان نے بتایا کہ دہشت گردوں سے بارودی مواد، ڈیٹونیٹر، حفاظتی فیوز اور نقدی برآمد ہوئی ہے۔

ترجمان کے مطابق دہشتگردوں کی شناحت اجمل امین، فیروز، حامد بشیر اور اویس شاہ کے نام سے ہوئی، دہشت گردوں کے خلاف مقدمات درج کرکے تفتیش جاری ہے۔

سی ٹی ڈی حکام نے بتایا کہ رواں ہفتے 395 کومبنگ آپریشنز کے دوران 108 مشتبہ افراد گرفتار کیے اور کومبنگ آپریشنز میں 20940 افراد سے پوچھ کچھ کی گئی۔

حکام نے مزید کہا کہ سی ٹی ڈی محفوظ پنجاب کے ہدف پر عمل پیرا ہے، دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/482809/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/07/482809/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں