آئی ایس پی آر نے کہا ہے کہ ژوب میں جام شہادت نوش کرنے والے تمام شہداء کی نماز جنازہ ادا کر دی گئی ہے۔

پاک فوج کے شعبہ تعلقات عامہ (آئی ایس پی آر) نے اپنے جاری کردہ بیان میں کہا کہ ژوب اور سوئی میں شہید ہونے والے تمام شہداء کی نماز جنازہ ادا کر دی گئی ہے۔

دہشتگردوں کے حملوں کو ناکام بنانے کیلئے جان کا نذرانہ پیش کرنے والوں کی نماز ان کے آبائی علاقوں میں ادا کی گئی، تدفین کے موقع پر حاضر سروس و ریٹائرڈ فوجی افسروں اور جوانوں کے ساتھ شہدا کے عزیز و اقارب اور شہریوں نے شرکت کی۔

آئی ایس پی آر کا کہنا ہے کہ افواج پاکستان ہر قیمت پر مادر وطن سے دہشتگردی کے خاتمے کیلئے پرعزم ہیں۔

یہ بھی پڑھیں؛ سیکیورٹی فورسز کا ژوب کینٹ میں کلیئرنس آپریشن مکمل ، 5 دہشت گرد ہلاک