آئندہ انتخابات میں سیٹ ایڈجسٹمنٹ کے معاملے پر مسلم لیگ ن اور استحکام پاکستان پارٹی (آئی پی پی) کے درمیان بات چیت جاری ہے۔

اس حوالے سے ذرائع نے بتایا کہ استحکام پاکستان نے پنجاب بھر میں 15 صوبائی حلقوں پر سیٹ ایڈجسٹمنٹ کی ڈیمانڈ کر دی ہے۔

ذرائع کے مطابق پنجاب کے 15 صوبائی حلقوں میں 3 لاہور کے حلقے شامل ہیں۔

لیگی ذرائع نے بتایا کہ مسلم لیگ ن کی پنجاب میں حکومت بنانے کے لیے قربانی دینے والوں سابقہ اراکین کو جگہ دی جائے گی۔

لیگی ذرائع کا مزید کہنا ہے کہ استحکام پاکستان پارٹی میں شامل سابقہ اراکین اسمبلی سے مسلم لیگ ن سیٹ ایڈجسٹمنٹ کرے گی۔

واضح ہے کہ استحکام پاکستان پارٹی نے عام انتخابات میں کسی بھی جماعت سے سیٹ ایڈجسٹمنٹ نہ کرنے کا فیصلہ کیا ہے۔

اس حوالے سے استحکام پاکستان پارٹی کی رہنما فردوس عاشق اعوان نے اپنے بیان میں کہا تھا کہ بعض حلقے استحکام پاکستان پارٹی کے متعلق سیٹ ایڈجسٹمنٹ کے حوالے سے افواہ سازی کر رہے ہیں۔

انہوں نے مزید کہا تھا کہ استحکام پاکستان پارٹی اپنی انفرادی حیثیت سے انتخاب میں حصہ لے گی۔ سیٹ ایڈجسٹمنٹ کے حوالے سے ہونے والی تمام باتیں قبل از وقت ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/07/526961/amp/ کو لائک کریں