پاکستان کی عسکری تاریخ کا پہلا اور سب سے بڑا اعزاز نشانِ حیدر حاصل کرنے والے کیپٹن راجہ سرور شہید کا آج 75ویں یوم شہادت منایا جارہا ہے۔

تفصیلات کے مطابق اس موقع پر ڈی جی راولپنڈی گیریژن سیکیورٹی امور نے شہید کے مزار پر پھول چڑھائے اور پاک فوج کے دستے نے شہید کے مزار پر گارڈ آف آنر پیش کیا۔

پھول چڑھانے کی تقریب میں مختلف شہریوں، عسکری حکام اور شہید کے اہلخانہ نے شرکت کی۔

دوسری جانب پاکستان کی مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے کیپٹن محمد سرور شہید کو شاندار خراج عقیدت پیش کیا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان میں کہا گیا ہے کہ شہید کیپٹن سرور کی بے مثال بہادری، غیر متزلزل عزم اور استقامت کو ہمیشہ یاد رکھا جائے گا۔

#ISPR

Armed Forces of #Pakistan, CJCsSC & Services Chiefs pay glowing tribute to Captain Muhammad Sarwar Shaheed, Nishan-e-Haider (NH), on his 75th Shahadat Anniversary today. His matchless chivalry, unwavering resolve & fortitude shall always be remembered.

Captain Muhammad… pic.twitter.com/LlQUy519rr

— Pakistan Armed Forces News 🇵🇰 (@PakistanFauj) July 27, 2023

آئی ایس پی آر نے بتایا کہ نشان حیدر حاصل کرنے والے پہلے کیپٹن محمد سرور جنہوں نے مادر وطن کے دفاع میں بے مثال جرات و بہادری کا مظاہرہ کیا اور 1948 میں تلپتر (آزاد کشمیر) میں شہادت قبول کی۔

پاک فوج کی جانب سے کہا گیا کہ کیپٹن محمد سرور کی شہادت کی برسی مادر وطن کے دفاع کے لیے افواج پاکستان کی جانب سے دی گئی غیر معمولی قربانیوں کی ایک طاقتور یاد دہانی کے طور پر کام کرتی ہے۔

آئی ایس پی آر نے بیان میں مزید کہا کہ آئیے ان ہیروز کو یاد کریں جنہوں نے مادر وطن کے دفاع میں اپنی جانوں کا نذرانہ پیش کیا۔ قوم کو اپنے بہادر بیٹوں پر فخر ہے۔

کیپٹن راجہ محمد سرور شہید

 شہید کیپٹن سرور 10 نومبر 1910 کو گوجر خان ضلع راولپنڈی میں پیدا ہوئے اور1929  میں بطور سپاہی پاک فوج میں شمولیت اختیار کی۔

کیپٹن سرور شہید نے برطانیہ کی جانب سے دوسری عالمی جنگ میں بھی حصہ لیا اور  شاندار فوجی خدمات کے پیشِ نظر 1946 میں انہیں مستقل طور پر کیپٹن کے عہدے پر ترقی دے دی گئی۔

کیپٹن سرور کی شاندار خدمات کے اعتراف میں ان کو پاکستان کے پہلے اعلیٰ ترین اعزاز نشانے حیدر سے نوازا گیا۔

27 جولائی 1948 کو راجہ سرور نے کشمیر اوڑی سیکٹر میں دشمن کی اہم فوجی پوزیشن پر حملہ کیا اور دشمن کا جواں مردی سے مقابلہ کرتے ہوئے جام شہادت نوش کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/576104/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/07/576104/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں