ن لیگ چھوڑ کر پی ٹی آئی میں جانے والے سابق ضلعی صدر ملک طارق اعوان  نے ن لیگ میں واپسی کا اعلان کردیا ہے۔

تفصیلات کے مطابق ن لیگ کے سابق ضلعی صدر ملک طارق اعوان نے چند سال قبل پی ٹی آئی میں شمولیت اختیار کی تھی۔

وفاقی وزیر پلاننگ اینڈ ڈویلپمنٹ احسن اقبال کے ساتھ ملک طارق اعوان اپنے ڈیرے پر اعلان کیا ہے۔

اس موقع پر احسن اقبال کا کہنا تھا کہ ملک طارق کو خوش آمدید کہتا ہوں، ملک طارق اعوان ہمارے قدیمی ساتھی ہیں، درمیان میں کچھ بدگمانیاں ہوئیں جو دور ہو گئیں۔

انہوں نے کہا کہ کوئی بھی محبِ وطن پاکستانی 9 مئی کے بعد پی ٹی آئی کے ساتھ خود کو وابستہ نہیں رکھنا چاہتا، پی ٹی آئی جو سیاست کر رہی ہے اس کو سیاست نہیں کہتے بلکہ ریاست اور ملک دشمنی کہتے ہیں۔

ان کا کہنا تھا کہ امریکہ کے اندر پی ٹی آئی کا سوشل میڈیا اور پی ٹی آئی کی تنظیم پاکستان پر پابندیاں جو گھناؤنی سازش کر رہی ہے، اس پر جتنی بھی مذمت کی جائے کم ہے، سیاست کے نام پر قومی اداروں کے ساتھ دشمنی کی گئی۔

احسن اقبال نے مزید کہا کہ پی ٹی آئی کا چہرہ عوام کے سامنے آ چکا ہے، مسلم لیگ ن واحد ہے جو پاکستان کو بحرانوں سے نکال سکتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/647379/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/07/647379/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں