وزیر اعظم شہباز شریف سے وفاقی وزیر خواجہ سعد رفیق کی ملاقات

امجد قائم خانی

16th Jul, 2023. 02:30 pm
شيئر

وزیر اعظم محمد شہباز شریف سے وفاقی وزیر برائے ریلوے و ہوابازی خواجہ سعد رفیق نے ملاقات کی۔

تفصیلات کے مطابق شہباز شریف اور خواجہ سعد رفیق کے درمیان ہونے والی ملاقات میں وزارت سے متعلقہ امور کے علاوہ ملکی مجموعی سیاسی صورتحال اور باہمی دلچسپی کے دیگر امور پر تبادلہ خیال کیا گیا۔

ملاقات کے دوران وفاقی وزیر خواجہ سعد رفیق نے وزیرِ اعظم کو ایئرپورٹس کی بہتر سروسز کی فراہمی کیلئے آؤٹ سورسنگ اور پی آئی اے میں اصلاحات پر پیش رفت سے آگاہ کیا۔

مزید برآں خواجہ سعد رفیق نے نیشنل ایویشن پالیسی کی تشکیل نو اور ایم ایل 1 کے منصوبے پر پاک چائنہ جاری تعاون پر بھی وزیر اعظم شہباز شریف کو بریفنگ دی۔

یہ بھی پڑھیں: آئی ایم ایف کی مدد سے معیشت کی کایا پلٹ دیں گے، وزیر اعظم کی ایم ڈی سے گفتگو