اسکردو میں سیاحوں کی گاڑی حادثے کا شکار ہو گئی جس کے باعث پانچ افراد جاں بحق جبکہ دو افراد زخمی ہو گئے۔

تفصیلات کے مطابق ایس ایس پی اسکردو نے واقعے کی رپورٹ دیتے ہوئے بتایا ہے کہ جاں بحق افراد کا تعلق ایک ہی خاندان سے ہے۔

ترجمان جی بی گورنمنٹ کا کہنا ہے کہ حادثہ دو گاڑیوں کے تصادم کے باعث پیش آیا۔

حادثے کے باعث دو افراد زخمی ہوئے جنہیں آر ایچ کیو ہسپتال پہنچا دیا گیا ہے، زخمی افراد کی حالت خطرے سے باہر ہے۔

گاڑی میں سات افراد سوار تھے، حادثے کے باعث گاڑی گہری کھائی میں جا گری، 05 افراد کی موقع پر ہی موت واقع ہو گئی جبکہ باقی شدید زخمی ہو گئے۔

دو افراد کی میتیں نکال لی گئی ہیں، باقی افراد کی میتیں نکالنے کے لیے ریسکیو آپریشن جاری ہے۔