وفاقی وزیر داخلہ رانا ثناء اللہ نے کہا ہے کہ نواز شریف نے لوڈ شیڈنگ کے اندھیرے دور کیے۔

تفصیلات کے مطابق وفاقی وزیر داخلہ رانا ثناء اللہ نے فیصل آباد میں چک 31 خان پور امین پور بنگلہ میں سوئی گیس منصوبے کا افتتاح کیا اور چک 31 خان پور امین پور بنگلہ میں اہل علاقہ سے خطاب کرتے ہوئے کہا کہ آپ لوگوں کا مطالبہ تھا کہ آپ کے گاؤں میں گیس ہو، پاکستان کی حکومت روس اور ایران سے گیس کے معاہدے پر بات کر رہی تھی، پاکستان میں نواز شریف نے ایٹمی دھماکے کر کے محفوظ بنایا، اس وقت پوری دنیا نے پاکستان کا بائیکاٹ کیا۔

انہوں نے کہا کہ 2013 میں بھی پاکستان بحران کا شکار تھا، اس وقت دہشتگردی اور لوڈ شیڈنگ تھی، میاں نواز شریف نے لوڈ شیڈنگ کے اندھیرے دور کیے، پھر 2018 میں ایک تجربہ کیا گیا اور ایک فتنہ مسلط کیا گیا، اس نے “چھوڑوں گا نہیں ” کے کلچر کو پرموٹ کیا۔

 وفاقی وزیر داخلہ رانا ثناء اللہ نے مزید کہا کہ آپ نے جس طرح دو ہزار تیرہ میں مسلم لیگ ہر اعتماد کیا تھا ویسے ہی اعتماد کی ان انتخابات میں بھی ضرورت ہے۔

  اس موقع پر لیگی راہنما میاں اجمل آصف بھی وفاقی وزیر داخلہ رانا ثناء اللہ کے ہمراہ تھے۔