چین کے نائب وزیر اعظم ہی لائفنگ پاکستان کے تین روزہ دورے پر آج کو اسلام آباد پہنچ رہے ہیں۔

تفصیلات کے مطابق چینی نائب وزیراعظم اپنے دورے کے دوران چین پاکستان اقتصادی راہداری کی 10ویں سالگرہ کی تقریبات میں شرکت کریں گے۔

اس کے علاوہ چین کے نائب وزیر اعظم صدر مملکت ڈاکٹر عارف علوی اور وزیر اعظم محمد شہباز شریف سے بھی ملاقات کریں گے۔

چینی نائب وزیراعظم ہی لائفنگ نے چین کے بین الاقوامی اقتصادی تعلقات اور بیلٹ اینڈ روڈ انیشیٹو کے نفاذ میں نمایاں کردار ادا کیا ہے، جن میں سے سی پی ای سی ایک اہم منصوبہ ہے۔

 نیشنل ڈویلپمنٹ اینڈ ریفارم کمیشن کے چیئرمین کی حیثیت سے انہوں نے پاکستان میں سی پیک کے متعدد منصوبوں کی منصوبہ بندی اور ان پر عملدرآمد میں اہم کردار ادا کیا۔

اس حوالے سے دفتر خارجہ کی ترجمان ممتاز زہرہ بلوچ نے اپنے ایک بیان میں کہا کہ لائفنگ کا دورہ پاکستان اور چین کے درمیان باقاعدہ اعلیٰ سطحی تبادلوں اور بات چیت کا حصہ ہے۔

ترجمان دفتر خارجہ نے مزید کہا کہ یہ پاکستان اور چین کی طرف سے اپنی آل ویدر اسٹریٹجک کوآپریٹو پارٹنرشپ کو مزید گہرا کرنے کی اہمیت کی عکاسی کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/07/832779/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/07/832779/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں