ملک کے مختلف علاقوں میں بارشوں کا سلسلہ جاری رہنے کا امکان ہے۔

تفصیلات کے مطابق اگلے48 سے72 گھنٹوں کے دوران ملک کے مختلف علاقوں میں بارشوں کا سلسلہ جاری رہنے کا امکان ہے جس کے باعث لینڈ سلائیڈنگ، فلیش فلڈنگ اور موسمی نالوں طغیانی کا خدشہ برقرار رہے گا۔

نیشنل ڈیزاسٹر مینجمنٹ اتھارٹی (این ڈی ایم اے) کی جانب سے جاری ایڈوائزری کے مطابق خیبرپختونخوا،گلگت بلتستان اور آزاد جموں کشمیر میں لینڈ سلائیڈنگ، فلیش فلڈنگ اور موسمی نالوں طغیانی کا خدشہ ہے۔

اسی طرح بلوچستان کے ندی نالوں میں طغیانی جبکہ جنوبی پنجاب اور بلوچستان کے پہاڑی علاقوں میں سیلابی صورتحال کا خدشہ ہے۔

دریاؤں میں تیز بہاؤ اور نشیبی علاقوں میں اربن فلڈنگ کا خطرہ بھی برقرار رہنے کا امکان ہے۔

این ڈی ایم اے کے مطابق ممکنہ خطرات کے تدارک کیلئے عوام کی پیشگی اطلاع و حفاظتی تدابیر کی تشہیر کی جائے، حساس علاقوں کی جانب ٹریفک کی منظم نگرانی کی جائے، ہنگامی صورتحال سے نمٹنے کیلئے مشینری تیار رکھیں،نشیبی علاقوں میں رہائش پذیر لوگ کہ نقل مکانی کیلئے انتظامات کئے جائیں۔