سابق وزیردفاع پرویزخٹک نے پی ٹی آئی کو ایک اور بڑا سرپرائز دیدیا ہے۔

تفصیلات کے مطابق سابق وزیراعلیٰ خیبر پختونحوا محمود خان کے ساتھ جاری ویڈیو پیغام میں سابق وزیردفاع پرویز خٹک نے کہا ہے کہ میں نے اورمحمود خان نے اس صوبے میں دو بارحکومت کی۔

انہوں نے کہا کہ ہماری ٹیم نے ملکراس صوبے کی خدمت کی، چند چیزوں کا خاص طور پر ذکر کرنا چاہتا ہوں، ہم نے سوات موٹروے بنایا اور صحت سہولت کارڈ متعارف کرایا۔

پرویز خٹک نے کہا کہ میں آج ہر پاکستانی سے دو سوال پوچھتا ہوں، پی ٹی آئی نے الیکشن کے 3 سے 4 بار کیوں ضائع کیے، تحریک انصاف نے الیکشن کا وقت کیوں ضائع کیا، یہ بہت بڑا راض ہے، یہ راز سب کی آنکھیں کھول دے گا۔

سابق وزیر دفاع نے کہا کہ ہمیں جمہوریت کے راستے پر چلنا ہے یا انتشار والا راستہ اپنانا ہے، لہٰذا ہم نے ترقی اور خوشحالی کے راستے پر چلنے کا فیصلہ کیا ہے، ہم سب پاکستان کے ساتھ ہیں۔

انہوں نے کہا کہ ہماری نئی پارٹی کا نام پاکستان تحریک انصاف پارلیمنٹیرینز ہو گا، منشور اور جھنڈے سے متعلق جلد اعلان کریں گے، ہمارا فیصلہ پاکستان کے مفاد میں ہو گا۔

پرویزخٹک نے کہا کہ خیبرپختونخوا کے سابق اراکین قومی و صوبائی اسمبلی آج اکٹھے ہوئے ، سب نے صلاح مشورے کے بعد ملکر سیاسی لائحہ عمل سے متعلق فیصلہ کیا، متفقہ فیصلہ کیا کہ نئی پارٹی کی بنیاد رکھیں گے۔