مسلم لیگ (ن) کے رہنماء عابد شیر علی نے کہا ہے کہ نواز شریف ہر صورت اکتوبر کے وسط میں پاکستان آجائیں گے۔

تفصیلات کے مطابق عابد شیر علی نے بول نیوز سے خصوصی گفتگو کرتے ہوئے کہا کہ نواز شریف پاکستان آکر قانون اور آئین کا سامنا کریں گے اور وہ ملک کے چوتھی مرتبہ وزیراعظم بنیں گے، پیپلز پارٹی اپنے آپ کو موجودہ مہنگائی سے الگ نہیں کر سکتی، مردم شماری میں ترمیم کی قرارداد پیپلز پارٹی نے ہی جمع کروائی تھی۔

عابد شیر علی نے کہا کہ پیپلز پارٹی تہمتیں لگانے اور بیان بازی سے گریز کرے، الیکشن کروانا الیکشن کمیشن کا کام ہے، ہم نے الیکشن سے کبھی بھی راہ فرار اختیار نہیں کی، ایسا نہیں ہو سکتا کہ نواز شریف کو باہر رکھ کر آپ الیکشن کروا لیں، ڈسکہ میں ہمارے بکسے چوری کر لیے تھے، ملک کے موجودہ حالات پر کوئی سیاستدان زمہ دار نہیں ہے۔

ان کا مزید کہنا تھا کہ جنرل فیض حمید کا نام لیتے ہوئے شاہد خاقان عباسی کی زبان جلتی ہے کیا؟

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/115951/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/115951/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں