اسلام آباد: نگران وزیر خارجہ جلیل عباس جیلانی سے ایران کے لیے نامزد سفیر محمد مدثر ٹیپو نے ملاقات کی ہے۔

اس حوالے سے دفتر خارجہ کی ترجمان ممتاز زہرا بلوچ نے بتایا کہ پاکستان کے ایران کے لیے نامزد سفیر مدثر ٹیپو کی نگران وزیر خارجہ جلیل عباس جیلانی سے ملاقات ہوئی ہے۔

ترجمان دفتر خارجہ کے مطابق اس موقع پر نگران وزیر خارجہ نے پاکستان کی ایران کے ساتھ تعلقات کو دی جانے والی اہمیت پر روشنی ڈالی۔

ترجمان ممتاز زہرا بلوچ نے مزید بتایا کہ نگران وزیر خارجہ نے نامزد سفیر سے برادر ممالک کے ساتھ تعلقات مزید مظبوط کرنے کی گہری توقعات کا بھی اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/149119/amp/ کو لائک کریں۔