ڈرائیونگ لائسنس بنوانے والوں کیلئے بڑی خوشخبری آ گئی ہے۔

تفصیلات کے مطابق لاہور سمیت پنجاب بھر کے شہری اب لائسنس کارڈ کے ساتھ ای لائسنس بھی حاصل کریں گے۔

شہریوں کو ٹریفک پولیس کی ایپ سے آن لائن ای لائسنس حاصل ہوگا۔

ڈرائیونگ لائسنس کے کارڈ کے پرنٹنگ اور اجراء تک شہری اپنے فون سے ٹریفک پولیس کو اپنا لائسنس دکھا سکیں گے۔

ایس ایس پی ٹریفک رفعت بخاری نے کہا کہ ڈرائیونگ ٹیسٹ پاس کرنے کیساتھ ہی ڈرائیونگ لائسنس مینجمنٹ انفارمیشن سسٹم میں ڈیٹا اپلوڈ کردیا جائے گا۔

انہوں نے کہا کہ شہری ڈرائیونگ لائسنس کے کارڈ کے حصول تک ٹریفک پولیس کی ویب سائٹ پر شناختی کارڈ نمبر اور تاریخ پیدائش ڈال کر ڈیٹا حاصل کرسکیں گے۔

ان کا مزید کہنا تھا کہ ای لائسنسنگ کا مقصد لائسنس پاس نہ ہونے یا گم ہونے ہی صورت میں ریکارڈ چیک کروایا جاسکے جبکہ ای لائسنسنگ سے آئے روز لائسنسنگ کارڈز کی عدم فراہمی پر بھی قابو پایا جاسکے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/155441/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/155441/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں