نگران حکومت نے ایگزٹ کنٹرول لسٹ (ای سی ایل) کیسوں کی چھان بین کرنے کا فیصلہ کرلیا ہے۔

اس حوالے سے ذرائع نے بتایا کہ وفاقی کابینہ کی جانب سے ای سی ایل ذیلی کمیٹی کی تشکیل نو کی منظوری دیدی گئی ہے تاہم وفاقی کابینہ نے وزارت داخلہ کی سمری پر سرکولیشن کے ذریعے منظوری دی۔

ذرائع کے مطابق نگران وزیر داخلہ کابینہ کی ای سی ایل ذیلی کمیٹی کے سربراہ ہوں گے، ذیلی کمیٹی میں وزیر تجارت اور وزیر مواصلات شامل ہوں گے۔

ذرائع کا کہنا ہے کہ ای سی ایل ذیلی کمیٹی میں ای سی ایل کیسوں کی جانچ پڑتال کی جائے گی اور ذیلی کمیٹی کی سفارشات منظوری کیلئے وفاقی کابینہ میں پیش کی جائیں گی۔

ذرائع نے مزید بتایا کہ ای سی ایل ذیلی کمیٹی میں وزیر قانون و انصاف اور وزیر اطلاعات کو شامل نہیں کیا گیا۔

واضح رہے کہ سابق دور حکومت میں کابینہ کی ای سی ایل ذیلی کمیٹی کے سربراہ وزیر قانون و انصاف تھے جبکہ اتحادی حکومت میں وزیر اطلاعات بھی ای سی ایل ذیلی کمیٹی کے ارکان میں شامل تھیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/170091/amp/ کو لائک کریں