پاکستان تحریک انصاف پارلیمنٹیرین کے سربراہ پرویز خٹک نے کہا ہے کہ اقتدار میں آکر بلدیاتی نظام کو ٹھیک کریں گے۔

تفصیلات کے مطابق پاکستان تحریک انصاف پارلیمنٹیرین کا کاغان ضلع مانسہرہ میں جلسہ ہوا جس میں گفتگو کرتے ہوئے محمود خان نے کہا کہ ہمارا نعرہ امن،ترقی و خوشحالی ہے، امن ہوگا تو ترقی آئے گی اور ترقی سے قوم خوشحال ہوگی۔

  پاکستان تحریک انصاف پارلیمنٹیرین کے سربراہ پرویز خٹک نے جلسے سے خطاب کرتے ہوئے کہا کہ ہزارہ ڈویژن، جنوبی اضلاع،ملاکنڈ اور پشاور میں بھی عوامی رابطہ مہم جاری رکھیں گے، کاغان ناران سیاحتی مرکز ہیں مقامی لوگوں پر کے ڈی اے کے جانب سے بے جا ٹیکس ختم کرونگا، موجودہ بلدیاتی نظام کے خلاف تھا انشاءاللہ ہم اقتدار میں آکر بلدیاتی نظام کو ٹھیک کریں گے، بیوروکریسی کو عوام کا خادم بننا پڑے گا وہ خود کو بادشاہ نہ سمجھیں ٹھیک طریقہ سے اپنا کام کریں۔

اس موقع پر چیف آف کاغان سید مزمل شاہ اپنے بیٹے سید احمد شاہ سمیت پاکستان تحریک انصاف پارلیمنٹیرین میں شامل ہوگئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/193868/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/193868/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں