کم عمر ترین شہید پائلٹ آفیسر راشد منہاس کا 52 واں یوم شہادت آج منایا جارہا ہے، تاہم مسلح افواج اور عسکری قیادت نے راشد منہاس شہید نشان حیدر کو خراج عقیدت پیش کیا ہے۔

پاک فوج کے شعبہ تعلقاتِ عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی اور مسلح افواج کے سربراہان نے راشد منہاس شہید کی برسی پر اپنے خصوصی پیغام میں کہا کہ پائلٹ آفیسر راشد منہاس کی شہادت مسلح افواج کی غیر معمولی قربانیوں کی داستانوں میں سے ایک ہے۔

سروسز چیفس نے کہا کہ پائلٹ آفیسر راشد منہاس نشان حیدر حاصل کرنے والوں میں سب سے کم عمر ہیں۔ راشد منہاس 20 اگست 1971 کو گوٹھ احمد شاہ، سجاول میں شہید ہوئے۔

انہوں نے کہا کہ پائلٹ آفیسر راشد منہاس نے مادر وطن کے دفاع میں مسلح افواج کی عظیم روایات کو سربلند کیا، ہم مادر وطن کے دفاع میں اپنی جانوں کا نذرانہ پیش کرنے والے ہیروز کو ہمیشہ یاد رکھیں گے۔

افواج کے سربراہان کا کہنا تھا کہ قوم کو وطن عزیز کیلئے جانیں قربان کرنے والے اپنے بہادر بیٹوں پر فخر ہے۔

واضح رہے کہ پائلٹ آفیسر راشد منہاس نشان حیدر حاصل کرنے والوں میں سب سے کم عمر ہیں، راشد منہاس 20 اگست 1971 کو گوٹھ احمد شاہ سجاول میں شہید ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/236044/amp/ کو لائک کریں۔