نگران وزیراعظم انوارالحق کاکڑ سے نگران وزیراعلیٰ سندھ مقبول باقر کی ون ٹو ون ملاقات ہوئی جس میں حلقہ بندیوں اور عام انتخابات کے انعقاد کے حوالے سے الیکشن کمیشن کے ساتھ بھر پور تعاون کرنے کا فیصلہ کیا گیا۔

تفصیلات کے مطابق نگران وزیراعظم انوارالحق کاکڑ وزیراعلیٰ ہاؤس پہنچے جہاں نگران وزیراعلیٰ سندھ جسٹس (ر) مقبول باقر نے ان کا استقبال کیا۔

ملاقات کے دوران وزیراعظم اور وزیراعلیٰ سندھ نے مجموعی امن امان کی صورتحال پر گفتگو کی اور بغیر کسی سیاسی اور مذہبی تفریق کے عوام کی خدمت جاری رکھنے کا عزم کیا۔

ملاقات میں نگران وزیراعظم اور نگران وزیراعلیٰ سندھ نے بین مذہبی ہم آہنگی کے لئے مل کر کام کرنے، صوبے میں بین المذہبی ہم آہنگی کیلئے اجلاس اور سیمینار کرانے پر اتفاق کیا۔

اس کے علاوہ نگران وزیراعلیٰ سندھ نے کراچی کے نالوں کے متاثرین کے بحالی کے حوالے سے نگران وزیراعظم کو آگاہ کیا۔

دوران ملاقات نگران وزیراعلیٰ سندھ اور انوارالحق کاکڑ کے درمیان سیلاب متاثرین کی بحالی اور ان کے گھروں کی تعمیر کے پروجیکٹ پر تبادلہ خیال بھی ہوا۔

اس موقع پر نگران وزیراعلیٰ سندھ نے کچے میں ڈاکوؤں کے خلاف آپریشن پر نگران وزیراعظم سے بات کی اور کراچی میں امن امان خاص طور پر اسٹریٹ کرائم پر بھی گفتگو کی۔

سندھ میں سرمایہ کاری کے فروغ کے لئے نگران وزیراعظم نے سندھ حکومت کو ہدایات دیں اور کہا کہ کراچی میں بہترین امن امان سے سرمایہ کاری میں اضافہ ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/382237/amp/ کو لائک کریں۔