جنوبی افریقہ وویمن کرکٹ ٹیم کے دورہ پاکستان کیلئے حکومت نے سخت سیکیورٹی کیلئے فوج تعینات کردی ہے۔

اس حوالے سے ذرائع نے بتایا کہ وفاقی کابینہ نے سیکیورٹی کیلئے فوج اور رینجرز تعینات کرنے کی منظوری دے دی ہے، کابینہ سے وزارت داخلہ کی سمری کی سرکولیشن کے ذریعے منظوری لی گئی۔

حکومتی ذرائع کے مطابق فوج اور سندھ رینجرز کی تعیناتی 15ستمبر تک ہوگی جبکہ سندھ رینجرز سکینڈ ٹیر، فوج کی تعیناتی تھرڈ ٹیرکیوآرایف موڈ میں ہوگی۔

ذرائع نے مزید بتایا کہ جنوبی افریقہ وویمن کرکٹ ٹیم کی سیکیورٹی کیلئے اسپیشل فورسز اسٹینڈ بائی رہیں گی۔

یاد رہے کہ سندھ حکومت کی جانب سے فوج اور رینجرز کی تعیناتی کیلئے درخواست کی گئی تھی۔

واضح رہے کہ جنوبی افریقہ وویمن کرکٹ ٹیم کا دورہ پاکستان 27 اگست سے 15 ستمبر تک شیڈول ہے، جنوبی افریقہ وویمن کرکٹ ٹیم دورے میں 3 ٹی ٹونٹی اور 3 ون ڈے میچز کھیلے گی، تاہم کرکٹ میچز نیشنل اسٹیڈیم کراچی میں شیڈول ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/391341/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/391341/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں