وفاقی وزیر انسانی حقوق خلیل جارج نے کہا ہے کہ مسیحی برادری کا لہو بھی اس ملک کی بنیادوں میں شامل ہے۔

تفصیلات کے مطابق وفاقی وزیر انسانی حقوق خلیل جارج نے تشدد کا شکار بچی رضوانہ کی عیادت کے لئے جنرل ہسپتال لاہور کا دورہ کیا جس کے دوران ان کا کہنا تھا کہ جب اپنی بیٹی رضوانہ کی حالت دیکھی تو میں اپنے آنسو نہیں روک سکا، رضوانہ کی جو حالت دیکھی وہ بہت تشویشناک ہے، ایسی بہت سی رضوانہ ہیں جو آج بھی مختلف گھروں میں ہیں۔

وفاقی وزیر انسانی حقوق نے کہا کہ آج رضوانہ کے پاس آکر بہت اچھا لگا بچی نے کہا مجھے بس انصاف چاہیے، اس سے پہلے بھی جو لوگ آئے انکو بھی رضوانہ نے یہی بات کہی، چاہے میں ہوں یا میری کابینہ کا کوئی بھی فرد ہو جو بھی ظلم کرے گا وہ قانون کے کٹہرے میں آئے گا، ڈاکٹروں نے اس بچی پر بہت محنت کی، انسانی حقوق کا معاملہ میرے دل کے بہت قریب ہے۔

خلیل جارج نے کہا کہ یہ میڈیا کا کام ہے کہ ایسے کاموں کو ہائی لائیٹ کریں جہاں ہم نہیں پہنچ پائے، جیسے ہی میں نے حلف لیا میں جڑانوالہ چلا گیا، اسلامیہ یونیورسٹی والے معاملے کو گورنر صاحب دیکھ رہے ہیں، مسیحی برادری کا لہو بھی اس ملک کی بنیادوں میں شامل ہے، مسلم بہن بھائیوں کے ساتھ ساتھ مسیحی برادری کی بھی اس میں قربانیاں شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/421753/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/421753/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں