نگران وزیر اعظم انوار الحق کاکڑ سے سابق وزیر اعلیٰ بلوچستان جام کمال نے ملاقات کی ہے۔

تفصیلات کے مطابق ملاقات میں جام کمال نے نگران وزیر اعظم کو وزارت عظمی کی ذمہ داریاں سنبھالنے پر مبارکباد پیش کی اور نیک خواہشات کا اظہار کیا، جس پر وزیر اعظم نے جام کمال کا شکریہ ادا کیا۔

اس کے علاوہ ملاقات میں نگران وفاقی کابینہ کی تشکیل کے معاملات پر بھی غور کیا گیا۔

دوسری جانب نگران وزیر اعظم انوار الحق کاکڑ سے بلوچستان کے سیاستدان علی مردان ڈومکی نے بھی ملاقات کی ہے جنہوں نے نگران وزیر اعظم کو مبارکباد دی اور ان کے لیے نیک تمنائوں کا اظہار کیا۔

اس سے قبل نگران وزیر اعظم انوار الحق کاکڑ سے گورنر گلگت بلتستان سید مہدی شاہ نے بھی ملاقات کی جنہوں نے نگران وزیرِ اعظم کو وزارتِ عظمی کا منصب سنبھالنے پر مبارکباد پیش کی اور نیک خواہشات کا اظہار کیا۔

اس موقع پر گورنر گلگت بلتستان نے نگران وزیر اعظم کو گلگت بلتستان کے دورے کی دعوت، قانون ساز اسمبلی میں خطاب، صوبے میں جاری ترقیاتی منصوبوں بشمول انفراسٹرکچر کے منصوبے اور قراقرم یونیورسٹی پر پیش رفت سے آگاہ اور افتتاح کی دعوت دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/494613/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/494613/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں