کراچی: پیپلز پارٹی کے سینئر رہنما منظور وسان نے سندھ میں پی پی کے خلاف الائنس بننے اور الیکشن میں تاخیر ہونے کی پیشگوئی کردی ہے۔

منظور وسان نے پیشگوئی کی ہے کہ میں نے پہلے بھی کہا تھا اور اب بھی کہہ رہا ہوں کہ مجھے عام انتخابات وقت پر ہوتے نظر نہیں آرہے، ہوسکتا ہے کہ عام انتخابات اچھے خاصے وقت کے لئے ملتوی ہوجائیں۔

انہوں نے کہا کہ الیکشن ملتوی کروانے میں انٹرنیشنل قوتوں اور قرضہ دینے والوں کا بھی کردار ہوسکتا ہے، مممکن ہے کہ نگران سیٹ اپ تین ماہ سے دو سال تک چلے۔

مشیر زراعت نے کہا کہ الیکشن کے وقت سندھ میں پی پی پی کے خلاف ایم کیو ایم، جی ڈی اے، جے یو آئی کا الائنس بن سکتا ہے اور الائنس میں مولانا فضل الرحمان کا کردار ہوگا۔

انکا کہنا ہے کہ الیکشن قریب آتے ہی کچھ قوتیں چند پارٹیوں کو پی پی پی کے خلاف میدان میں اتارتی ہیں، مجھے اچھے دن نظر نہیں آرہے، یہ ہفتہ اور دو ماہ بڑے اہم، بڑی مچھلیوں کا احتساب ہوگا۔

منظور وسان نے مزید کہا کہ ہماری خواہش ہے کہ بلاول بھٹو زرداری وزیراعظم بنیں، نگران وزیراعظم یا وزرائے اعلیٰ سیاسی نہیں ہونگے، کسی بھی وقت بڑا سرپرائز آسکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/517962/amp/ کو لائک کریں