وزارت عظمیٰ کے منصب سے سبکدوش ہونے کے بعد مسلم لیگ (ن) کے صدر شہباز شریف لاہور پہنچ گئے ہیں۔

تفصیلات کے مطابق سابق وزیراعظم شہبازشریف کو وزیراعظم ہاؤس سے نگران وزیراعظم انوارالحق کاکڑ نے رخصت کیا جس کے بعد وہ لاہور پہنچے۔

ماڈل ٹاؤن پہنچنے پرشہبازشریف کے پوتے اور پوتی نے پرتپاک استقبال کرکے دادا کو سرپرائز دیا۔

سابق وزیراعظم نے اپنے پوتے اور پوتی کو یوم آزادی کی مبارک بھی دی جبکہ دونوں بچوں نے شہباز شریف کو پھول پیش کیے اور انہیں ویلکم بیک کہا۔

شہبازشریف نے خوشی سے دونوں بچوں کو سینے سے لگایا اور پھول پیش کرنے پر شکریہ بھی ادا کیا۔