محکمہ ریلوے سکھر ڈویژن پورے محکمے کا خونی ڈویژن بن گیا ہے۔

تفصیلات کے مطابق خان پور سے ٹنڈو آدم اور سبی تک پھیلے ہوئے اسٹیشن سکھر ڈویژن میں سب سے زیادہ حادثات ہوئے۔

گھوٹکی میں آٹھ جون 1991 کو دو گاڑیوں کے ٹکرانے سے سو افراد جاں بحق ہوئے، 1992 کو اسی گھوٹکی میں ٹرین حادثے میں 54 افراد ہلاک اور متعدد زخمی ہوئے، 2005 کو گھوٹکی میں تین ٹرینیں آپس میں ٹکرائیں جس میں 123 مسافر جاں بحق اور سو سے زائد زخمی ہوئے، 2019 میں رحیم یار خان کے قریب تیزگام میں آتشزدگی ہوئی جس میں 74 افراد جل کر ہلاک اور درجنوں زخمی ہوئے۔

2020 کو پاکستان ایکسپریس روہڑی کے قریب مسافر بس سے ٹکرائی جس میں 22 مسافر ہلاک اور متعدد زخمی ہوئے، 2021 کو ریتی اسٹیشن کے قریب ملت اور سرسید ایکسپریس میں تصادم ہوا جس میں 62 مسافر ہلاک اور 100 سے زائد زخمی ہوئے، 2022 میں سکھر ریلوے ڈویژن میں 25 حادثات ہوئے، سال 2022 میں 12 مسافر ٹرینیں پٹری سے اْتریں، 28 مال بردار ٹرینوں کو حادثات پیش آئے۔

2023 میں خیرپور کے قریب کراچی ایکسپریس میں آگ بھڑک اْٹھی جس میں بچوں سمیت سات مسافر جاں بحق اور متعدد زخمی ہوئے، چھ اگست 2023 کو ہزارہ ایکسپریس کی دس بوگیاں سرہاری ریلوے اسٹیشن پر پٹری سے اْتریں جس میں 33 مسافر ہلاک اور 60 سے زائد زخمی ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/549066/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/549066/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں