سندھ میں نگران سیٹ اپ کی تیاریاں جاری ہیں تاہم اس حوالے سے 3 نام سامنے آگئے ہیں۔

ذرائع کے مطابق نگران سیٹ اپ کے لیے ابھی تک باضابطہ طور پر وزیر اعلیٰ سندھ اور اپوزیشن لیڈر کے درمیان ملاقات نہیں ہوئی ہے جبکہ حکومت نے اپنے نام فائنل کرلئے ہیں۔

ذرائع نے بتایا کہ نگران وزیر اعلیٰ کے لیے اپوزیشن کی جانب سے تین ناموں پر غور کیا گیا۔ حکومتی ناموں میں سابق چیف سیکریٹری ممتاز شاہ سر فہرست رہی جبکہ جسٹس ریٹائرڈ مقبول باقر بھی حکومت کے نام میں شامل ہیں۔

علاوہ ازیں ایم کیو ایم کی جانب سے سابق کمشنر شعیب صدیقی، سابق سیکریٹری خزانہ یونس دھاگہ کا نام فائنل کیا گیا اور جی ڈی اے کی جانب سے ڈاکٹر صفدر عباسی کا نام لیا گیا تاہم  تینوں جی ڈی اے اور ایم کیو ایم کے متفقہ امیدوار ہوسکتے ہیں۔

ذرائع کا مزید کہنا ہے کہ نگران وزیر اعلیٰ سندھ کے لیے نصف درجن سے زائد ناموں کی گونج رہے ہیں۔ ایم کیو ایم اور جی ڈی اے کے درمیان ایک اور ملاقات ہوگی جس میں ناموں کو حتمی شکل دی جائے گی اور فائنل نام حکومت کے سامنے رکھیں جائیں گے۔

واضح رہے کہ سندھ اسمبلی 11 اور 12 درمیانہ شب تحلیل کیے جانے کا امکان ہے اور سندھ اسمبلی کی تحلیل کے بعد تین روز میں وزیر اعلیٰ اور اپوزیشن لیڈر نے نام فائنل کرنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/566992/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/566992/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں