الیکشن کمیشن آف پاکستان نے تحریک انصاف کے انٹرا پارٹی الیکشن کیس کی سماعت 8 اگست تک ملتوی کردی۔

چیف الیکشن کمشنر سکندرسلطان راجہ کی زیر صدارت پانچ رکنی کمیشن نے پاکستان تحریک انصاف کے انٹرا پارٹی الیکشن کیس کی سماعت کی۔

پی ٹی آئی کے کی جانب سے چیف الیکشن کمشنر بیرسٹر گوہر الیکشن کمیشن میں پیش ہوئے۔

پی ٹی آئی کے وکیل بیرسٹر گوہر نے کہا کہ کچھ دستاویزات الیکشن کمیشن میں جمع کرانا چاہتا ہوں، مجھے اس کیس کا ریکارڈ فراہم نہیں کیا گیا۔

انہوں نے کہا کہ پی ٹی آئی نے انٹرا پارٹی انتخابات آئین میں ترمیم سے قبل کرائے گئے، پی ٹی آئی نے خود آئین میں ترمیم الیکشن کمیشن میں جمع کرائی۔

ممبر الیکشن کمیشن نے کہا کہ چیئرمین پی ٹی آئی نے لکھا 8 جون 2022 کو ترمیم کی، پی ٹی آئی نے 10 جون 2022 کو انٹرا پارٹی انتخابات کروائے۔

چیف الیکشن کمشنر نے متعلقہ دستاویزات بیرسٹر گوہر کو فراہم کرنے کی ہدایت کردی اور کہا کہ آپ کو کون سے دستاویزات چاہیں۔

چیف الیکشن کمشنر نے مزید کہا کہ میڈیا پر کہا جاتا تھا الیکشن کمیشن نوٹس دے ہم جواب دیں گے، ہم نے پی ٹی آئی کی درخواست پر آپ کو نوٹس کیا۔

دوران سماعت بیرسٹر گوہر نے الیکشن کمیشن سے سماعت ملتوی کرنے کی درخواست کردی۔

الیکشن کمیشن نے بیرسٹر گوہر کی سماعت ملتوی کرنے کی درخواست منظور کرتے ہوئے کیس کی سماعت 8 اگست تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/695892/amp/ کو لائک کریں