پاکستان پیپلزپارٹی (پی پی پی) الیکشن سے قبل خیبرپختونخوا سے بڑی وکٹ گرانے میں ناکام ہوگئی ہے۔

اس حوالے سے پارٹی ذرائع نے بتایا کہ پیپلز پارٹی ترجمان اے این پی زاہد خان کو منانے میں کامیاب نہ ہو سکی، زاہد خان نے پیپلزپارٹی میں شمولیت سے معذرت کر لی۔

پی پی ذرائع کے مطابق پیپلزپارٹی کے رہنماؤں کی زاہد خان سے تین ملاقاتیں ہوئیں، زاہد خان کے پیپلزپارٹی سے معاملات طے پانے کے قریب تھے۔

پارٹی ذرائع کا کہنا ہے کہ پی پی رہنماؤں نے مرکزی قیادت کو معاملے کا حصہ بننے کی درخواست کی، تاہم پیپلزپارٹی قیادت نے زاہد خان کے معاملے کو سنجیدہ نہیں لیا، پی پی قیادت کی عدم دلچسپی پر رہنماؤں نے زاہد خان سے رابطے چھوڑ دیے۔

پیپلزپارٹی ذرائع کے مطابق پی پی قیادت سے قبل صدر اے این پی کے پی ایمل ولی متحرک ہوئے، صدر عوامی نیشنل پارٹی کے پی زاہد خان کو منانے انکے گھر گئے۔

ذرائع نے مزید بتایا کہ زاہد خان کے اے این پی قیادت کی پالیسیوں کے بارے میں تحفظات تھے، تاہم اے این پی قیادت نے زاہد خان کو تحفظات دور کرنے کی یقین دہانی کرائی، قیادت کی یقین دہانی پر زاہد خان نے اے این پی چھوڑنے کا ارادہ ترک کر دیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/766768/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/766768/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں