وفاقی تعلیمی بورڈ کے زیر اہتمام انٹرمیڈیٹ (پارٹ ون، ٹو) کے سالانہ امتحانات برائے سال 2023 کے نتائج کا اعلان ہو گیا ہے۔

تفصیلات کے مطابق رواں برس پارٹ ٹو میں کامیابی کا تناسب 83.86 فیصد رہا ہے، پارٹ ون میں کامیابی کا تناسب 61.82 فیصد رہا، رواں برس بارہویں کے امتحانات کیلئے کل 86495 امیدواران نے رجسٹریشن حاصل کی، رواں برس گیارہویں کے امتحانات کیلئے کل 88381 امیدواران نے رجسٹریشن حاصل کی۔

پری میڈیکل گروپ

انٹرمیڈیٹ پارٹ ٹو پری میڈیکل گروپ میں تینوں پوزیشنز طالبات کی آئیں، پری میڈیکل میں پہلی پوزیشن ایشل شاہنور فاطمہ نے 1075 لے کر حاصل کی، ان کا تعلق پنجاب کالج ایچ الیون سے ہے، پری میڈیکل میں دوسری پوزیشن ہانیہ عثمان نے 1072 نمبر لیکر اپنے نام کی، ان کا تعلق آرمی پبلک اسکول ہمایوں روڈ سے ہے، پری میڈیکل میں تیسری پوزیشن رد الملک نے 1066 نمبر لے کر حاصل کی، ان کا تعلق آرمی پبلک سکول راولپنڈی کینٹ سے ہے۔

پری انجینئرنگ گروپ

پری انجینئرنگ میں عشبا فاطمہ نے 1069 لیکر پہلی پوزیشن حاصل کی، ان کا تعلق آرمی پبلک اسکول راولپنڈی کینٹ سے ہے، پری انجینئرنگ میں دوسری پوزیشن عائشہ ظفر نے 1059 لیکر اپنے نام کی، ان کا تعلق آرمی پبلک اسکول راولپنڈی کینٹ سے ہے، پری انجینئرنگ میں تیسری پوزیشن زویا احمد نے 1054 لیکر اپنے نام کی، ان کا تعلق آرمی پبلک اسکول چکلالہ کینٹ سے ہے۔

سائنس جنرل گروپ

سائنس جنرل گروپ کی حرا عارف نے 1045 پہلی پوزیشن حاصل کی، سائنس جنرل گروپ کی ماہ نور تارڑ 1054 نمبر لے کر دوسری پوزیشن لے گئیں جبکہ عمارہ امین نے 1038 نمبر لے کر تیسری پوزیشن حاصل کی۔

چیئرمین فیڈرل بورڈ قیصر خان نے بتایا کہ انٹرمیڈیٹ امتحانات کیلئے 501 سنٹرز بنائے گئے تھے، رواں سال 30 مئی تا 22 جولائی کے درمیان امتحانات لئے گئے، آج 42 دن کے بعد ہم انٹرمیڈیٹ کے سالانہ نتائج کا اعلان کر رہے ہیں، فیڈرل بورڈ نے گزشتہ دو سال سے ای مارکنگ سسٹم پر شفٹ ہو چکا ہے، اگلے سال سے فیڈرل بورڈ نے پاسنگ پرسنٹیج 40 فیصد مقرر کر دی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/766979/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/766979/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں