گورنر خیبرپختونخوا حاجی غلام علی کو تبدیل کیے جانے کا امکان ہے۔

ذرائع نے دعویٰ کیا ہے کہ گورنر خیبرپختونخوا حاجی غلام علی جلد تبدیل ہوں گے، اتحادیوں نے جے یو آئی کو گورنر کے پی کی تبدیلی پر منا لیا ہے۔

حکومتی ذرائع کا کہنا ہے کہ نئے گورنر خیبرپختونخوا کیلئے مختلف ناموں پر غور کیا جارہا ہے، تاہم گورنر کے پی کیلئے اویس غنی، شوکت اللہ اور عالم خٹک کے نام زیر غور ہیں۔

ذرائع نے بتایا کہ گورنر خیبرپختونخوا حاجی غلام علی کا تعلق جمعیت علمائے اسلام سے ہے۔ پی پی، اے این پی گورنر کے پی کے بارے میں تحفظات کا اظہار کر چکی ہیں۔

ذرائع کے مطابق گورنر کے پی کے معاملے پر پی پی، جے یو آئی میں اختلافات پیدا ہوئے تھے، پیپلزپارٹی کو گورنر خیبرپختونخوا کی سرگرمیوں پر شدید تحفظات تھے۔

ذرائع کا مزید کہنا ہے کہ پی پی نے گورنر کے پی پر اختیارات کے ناجائز استعمال کے الزامات لگائے تھے، پیپلزپارٹی نے گورنر کے پی پر صوبائی انتظامیہ پر اثرانداز ہونے کے الزامات لگائے تھے، گورنر کے پی پر ٹرانسفر پوسٹنگ اور ترقیاتی فنڈز اجراء کے الزامات تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/768003/amp/ کو لائک کریں۔