ڈرائیونگ لائسنس بنوانے والوں کیلئے اہم خبر آگئی ہے۔

تفصیلات کے مطابق کمرشل، نان کمرشل گاڑیوں کے ڈرائیونگ ٹیسٹ کیلئے نئے ایس او پیز جاری کر دیئے گئے ہیں۔

ایچ ٹی وی ،ایل ٹی وی لائسنس کے امیدوار کوائف اور شکل ویڈیو میں نمایاں کرینگے،ای ٹیسٹ کے دوران امیدوار کےقریب کیمرہ لگایا جائے گا۔

ای ٹیسٹ کے دوران امیدوار کے قریب کوئی غیر متعلقہ شخص موجود نہیں ہوگا۔

ٹیسٹ میں پاس اور فیل ہونیوالے امیدواروں کا ریکارڈ ٹریفک ہیڈ کوارٹر بھیجا جائیگا، ٹیسٹنگ افسر امیدوار کے گاڑی اسٹارٹ کرنے کا طریق کارویڈیو میں ریکارڈ کریگا۔

امیدوار کے سیٹ پر بیٹھنے، شیشوں کی چیکنگ کا طریق کار ویڈیو ریکارڈ کیا جائے گا۔ ہینڈ بریک، گاڑی کو نیوٹرل کرنے کا طریقہ کار بھی ویڈیو میں ریکارڈ کیا جائیگا۔

ایل ٹی وی لائسنس کے روڈ ٹیسٹ کیلئے 75،75فٹ لمبائی کا ٹریک بنایا جائیگا، ایل ٹی وی لائسنس کے روڈ ٹیسٹ کیلئے 10،10 فٹ چوڑائی کا ٹریک بنایا جائیگا۔

 نئے ایس او پیز کے مطابق ایچ ٹی وی لائسنس کیلئے 250،250 فٹ لمبائی کا ٹریک تیار کیا جائے گا،ایچ ٹی وی لائسنس کیلئے 15،15فٹ چوڑائی کا ٹریک تیار کیا جائے گا۔

گاڑی بیک کرتے وقت ’’کون ’’کو لگنے سے پہلے 2 بار آگے پیچھے کرنے کی اجازت ہو گی۔ شیشے کی بجائے گردن موڑ کر پیچھے دیکھنے پر امیدوار فیل تصور کیا جائے گا۔

نان کمرشل گاڑیوں کی بھی ویڈیو ریکارڈنگ مکمل طور پر بنائی جائے گی، نان کمرشل گاڑیوں کے ٹریک کی لمبائی 65،65 فٹ ہوگی، نان کمرشل گاڑیوں کے ٹریک کی چوڑائی 10،10 فٹ ہو گی۔

گاڑی بیک کرتے وقت کونز کو لگنے سے پہلے 1 بار آگے پیچھے کرنے کی اجازت ہو گی۔

واضح رہے کہ ڈی آئی جی ٹریفک نے ڈرائیونگ ٹیسٹ ایس اوپیز پر عملدرآمد کے احکامات جاری کر دیئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/789356/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/789356/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں